General Santos City – Ang ikasiyam nga yugto sa Kapihan sa Bagong Pilipinas sa Philippine Information Agency nagpakita sa Philippine Statistics Authority (PSA) 2024 Census of Population and Community-Based Monitoring System (POPCEN-CBMS).
Matod ni PSA Soccsksargen Regional Director Maqtahar L. Manulon, ang 2024 POPCEN-CBMS dili lamang nagkolekta ug datos alang sa statistical purposes kondili lakip na ang mga geotag o mapa sa mga istruktura ug institusyon sama sa mga ospital, eskwelahan, ug uban pang establisemento nga naghatag ug serbisyo sa gobyerno.
Dugang pa niya nga niadtong Hulyo 1, kapin sa 70,000 ka enumerator sa tibuok nasod ang nakadawat ug pagbansay alang sa malampuson ug episyente nga pagkolekta sa datos alang sa POPCEN-CBMS, nga nagsugod niadtong Hulyo 15 ug matapos sa Septiyembre 16, 2024.