General Santos City – Mubalor sa 6 million pesos ang gigahin nga budget sa Lgu Gensan para sa umaabot nga Tuna Festival ug ang GenSan Chamber Of Commerce ang maghupot sa kaorn nga tuig nga selebrasyon.
Pamahayag ni Shandee Llido-Pestaño, City Administrator ning dakbayan nga lauman ang mga kabag-uhan hilabina nga anaa na sa alert level 1 ang GenSan ug makapahigayon na ug Face To Face nga selebrasyon human ang duha ka tuig tungod sa pandemya.
Pagahimuon ang soft opening sa Tuna Festival karong umaabot nga Agosto 22 samtang ang Grand Opening mahitabo sa Setyembre Uno.
Dugang pamahayag ni Pestaño nga adunay daghang mga aktibidad ang himuon alayon sa maong selebrasyon apan magpabilin ang mga na-andang aktibidad sama sa float parade.
Samtang ilaha pang ginatun-an ang posibleng pagpahigayon ug street dancing competition tungod walay klase, lisod nga matapok ang mga estudyante apan aduna matud pay pipila ang nagpa-abot ug interest nga magsalmot niini apan ilaha pa kining ginatun-an. (Alfredo Madas Jr.)