GENERAL SANTOS CITY – Barangay Kapitan Gepusil patay sa Maitum Sarangani Province
Kusganong gikondena sa mga residente sa Barangay Mindupok sa lungsod sa Maitum, Sarangani Province ang
pagpatay sa ilang kapitan karong Domingo, Abril 9.
Sa FB post, nanawagan usab ang mga residente sa mga otoridad nga mahatagan ug hustisya ang kamatayon ni
Barangay Chairwoman Tonesa Sarudin ug hunongon na ang kagubot nga nahitabo sa ilang lugar.
“Our hearts break as another captain falls. Gipangayo nato nga mahunong na ang kapintasan sa atong
barangay. Magtinabangay kita aron luwas ang Mindupok. Stay vigilant, stay safe Mindupok” sumala sa
mensahe sa Facebook sa Brgy Mindupok.
Base sa inisyal nga imbestigasyon sa Maitum Municipal Police Station, naglakaw ang biktima dihang gipusil sa
mga suspek nga nagmotorsiklo atubangan mismo sa ilang barangay hall.
Gilayon naman nga nagpatigayon sang hot pursuit operation ang mga otoridad batok sa mga suspetsado.
Nasayran kaniadto nga ang kapitan giingong nakadawat og hulga sa iyang kinabuhi nga giingong nag-ugat sa
“rido”.
Usa usab kini sa mga anggulo ug motibo nga gitan-aw karon sa mga imbestigador. (Fred Degala)