GENERAL SANTOS CITY – Nagpadayon ang assessment sa Regional Disaster Risk Reduction Management Center kauban ang mga ahensiya sa pagsusi sa ihap sa mga balay nga nadaut sa magnitude 6.8 magnitude nga linog. Matud ni Office of The Civil Defense 12 Spokesperson Jorie Mae Balmediano nga dili pa kompleto ang gihuptan nga data tungod dili pa mabutyag kung pila gayud ang totally damage lakip ang partially damage.
Kauban matud pa nila ang mga Barangay Risk Reduction Management Office nga maoy makakumpirma sa naguba sa milabay nga pagtay-og.
Sa kasamtangan nakatala na ang ilang buhatan ug P329M nga damage apan magpahigayon ug revalidation kauban ang Department of Education ug DPWH sa pagsayod pila ba gayud ka classroom ang apektado.
Posible matud pa nga magpahigayon subli ug Rapid Damage Assessment and Needs Analysis aron matino ang ensakto nga danyos luyo sa posibilidad nga mutaas ang kantidad sa danyos hilabi na sa infrastructure.
Matud ni Bamediano nga mibalik na ang pagserbsiyo sa mga gambalay nga unang gikataho nga nakasinate ug mga pagliki lakip giablihan ang lima ka tulay nga giingong nakasinate ug crack human natigayon ang linog. (Jun Abelo)
