HOSPITAL ang gidangatan sa usa (1) ka amahan ug tulo (3 ka anak niining pulos minor-de-edad human sila nangahilo sa pinalit ug gikaon niang pizza ning nakalabay’ng adlaw sa Upper Londo Purok-C, Barangay Bawing, General Santos City.
Asoy sa amahang si alyas Roro, namalit sila’g 2 ka box sa pizza sa nasampit nga dapit nga wala na lamang gikabutyag ang brand o pangalan sa maong pagka-on.
Pag-abot matud pa dayon nila sa ilang panimalay gilayon nilang gika-on ang 2 ka box sa pizza, gumikan sa sobra kagutom niadtong higayona.
Apan, paglabay sa 1 ka oras, una matud pang nakasinati sa pagpanakit sa tiyan ang kamagulangan niyang anak ug nagsuka-suka pa. Gisundan kini sa pagpanakit sa tiyan ug susamang pagsuka-suka sa duha (2) pa niya ka anak nga minor, ingon man siya mismo nga amahan.
Tungod sa maong sitwasyon, bisan siya sab mismo gisakitan pag-ayo sa tiyan, apan wala matud pa niya kini panumbalinga. Gidala gayud niya ang 3 ka anak sa Hospital aron sila katambalan.
Sa Hospital, gibutyag ug gikonpirma sa mga Doktor sa Hospital nga nabiktima sila sa “food poisoning” sa gika-on nga pizza, apan daw dili matud pa gusto manubag sa nahitabo ang tindahan sa pizza, dihang gi-adto-an sa naasoy nga Amahan.
Rem Agdon