Nagpahigayon og oath-taking ceremony ang buhatan kaniadtong milabay nga adlaw alang kang Ms. Edna Morandarte, nga bag-o lang gi-appoint isip Barangay Kagawad sa Barangay Cogon, didto sa City Mayor’s Office, ubos sa pagdumala ni City Mayor Roberto Y. Uy.
Ang pagpanumpa gisaksihan ni Cogon Punong Barangay Hon. Paquito L. Paño ug ni Ms. Niña Marice R. Dagpin sa Department of the Interior and Local Government (DILG)–Dipolog. Siya gi-appoint human sa pagpanaw sa iyang bana niadtong miaging tuig.
Pinaagi sa maong seremonya, opisyal nang misugod si Morandarte sa pagtuman sa iyang mga katungdanan isip kagawad, nga nagpakita sa padayon nga paningkamot sa kagamhanan sa siyudad sa pagpalig-on sa maayong pangdumala ug matinud-anong serbisyo publiko.(IKEN B. GULLEM)
Source: Dipolog City Government