DIPOLOG CITY — Gipasiugda sa Department of Information and Communications Technology sa Zamboanga del Norte, kauban ang City Government of Dipolog, ang papel sa teknolohiya sa inklusibong edukasyon pinaagi sa usa ka Mobile Robotics Symposium nga gihimo Enero 21, 2026 sa Museo Dipolog.
Ang kalihokan, nga gipangulohan uban sa City Social Welfare and Development Office ug Special Education Center, kabahin sa paghinumdom sa 30th National Autism Consciousness Week nga adunay tema “Mula Kamalayan Tungo sa Gawa: Pag-unlad ng Autism-OK Philippines.” Tumong niini ang pagpataas sa kahibalo sa publiko ug pagpakita kung giunsa magamit ang robotics ug digital tools sa pagpalambo sa pagkat-on sa mga batang adunay autism ug special needs.
Pinaagi sa maong inisyatiba, gipakita sa DICT ug LGU Dipolog ang ilang paningkamot sa pagpalapad sa inklusibo, modernong pamaagi sa pag-atiman ug edukasyon, diin ang teknolohiya nahimong tulay padulong sa mas patas ug mas abante nga katilingban.(JENIFFER JR. DELICA)
Source: Dipolog City Government