General Santos City – Daan nang palahubog ug gagamitan matud pa kanhi og bawal nga druga ang amahang milambos-patay sa kaugalingon nilang 8 anyos nga anak-lalaki niadtong Enero 23, 2023 sa ilang balay sa Brgy. Fatima, General Santos City.
Kana ang gikonpirma ni Mrs Ivy Joy Cabrera – ang inahan sa biktima
Butyag ni Ivy, 9 ka tuig silang nagtipon sa pagpuyo sa iyang kanhi bana ayha niya kini gibulagan gumikan sa bisyo sa inom ug bawal nga druga ug mangdagmal pa.
Sa nahitabo karon sa ilang anak, gipanumpa sa maong inahan nga bisan mohilak pa og dugo ang kanhing bana sulod sa prisohan dili ug dili niya kini mapasaylo.
Sa pagkakaron, hilabihan matud pang suko-a sa pamilya ug kabanay ni Mrs. Ivy ngadto sa kanhi niyang bana gumikan sa pagpatay niini sa kaugalingong anak sa brutal nga paagi.
Tungod niini, pursigido matud pa ang maong inahan nga mopasaka og tukmang kaso batok sa kanhi niyang bana. (Jun Abelo)
Photo: AlfieMones