General Santos City – Nagpadayon ang Barangay Drug Clearing program sa PDEA -12 kaabag ang uban pang ahensya sa Gobyerno kansa kabahin sa demand reduction Strategy batok ilegal nga droga sa maong ahensya. Kini karon ang gikumpirma ni Kath Abad, Spokesperson sa PDEA Regional Office 12.
Subay sa ilang datus, sa mukabat 1,095 ka mga Barangay sa tibuok Region 12, mukabat na sa 958 ka mga Barangay ang nadeklarang drug Cleared samtang 23 ka barangay ang gideklarang Drug Free sugod tuig 2017 hangtud sa kasamtangang tuig. Ang mga Barangay nga ilawom sa Drug Cleared mao kadtong mga Barangay nga kanhing apektado sa illegal drugs ug nagpailawom sa Barangay Drug Clearing Program samtang ang Drug Free ang mga barangay nga unaffected sa illegal nga droga apan nagpailawom sa Barangay Clearing deliberation maong sila gideklarang drug free.
Gipaklaro ni Kath Abad nga bisan paman nadeklara nang drug cleared o drug free ang usa ka Barangay, magpadayon pa gihapon ang pag-apply sa maong mga Barangay alang sa retention sa ilang status sa Barangay Clearing program. Nasayran nga kauban sa PDEA sa Barangay Clearing Operation ang buhatan sa DILG, PNP, DOH ug LGU sa Barangay nga aplikante.
Higayon nga adunay Barangay nga mag-apply alang sa drug clearing barangay, iagi kin isa proseso ug ang lima ka mga ahensya sa gobyerno maoy mag desisyon kung ideklarang drug cleared o drug free na ang usa ka Barangay. Dugang pagbutyag ni Kath Abad nga ang Region 12 ang nagpabiling drug Consuming Region. Pagpasabot niini nga wala silay namonitor nga dunay drug laboratory dinhi sa region 12. Giangkon hinuon ni Kath Abad nga aduna gyuy marijuana plantation dinhi sa Rehiyon 12 mao nga aduna silay ginapahigayong marijuana eradication sa pipila ka lugar sa rehiyon.
Samtang ang mode of transaction sa illegal drugs ang kaliwaan o dili ba kaha online gani daghan nang nadakpan ang PDEA 12 nga mga drug personality nga online ang nahimong transaksyon. (Noel Abelo Jr.)