General Santos City – Sama sa gisaad, si Mayor Lorelie Geronimo Pacquiao ang nanguna sa pagpanghatag sa educational assistance nga P5,000 alang sa 869 ka mga tinun-an sa Lagao National High School nga migradwar sa Senior High kagahapong adlawa, Mayo 30, 2024.
Nahimong posible ang pag-apod-apod sa educational assistance pinaagi sa tabang ni Sen. Imee Marcos ug inisyatiba ni Mayor Pacquiao.
Dako ang pasalamat sa mga tinun-an sa kamanggihatagon sa Senador ug sa mayor tungod kay dako kinig tabang aron makapadayon sa pagtungha sa kolehiyo. (Rem Agdon)