14 Youth Groups sa tibuok nasud mihimo’g benchmarking sa CDO

0
9

 

Cagayan de Oro – KATORSE (14) ka Youth Development Alliance (YDA) gikan sa National Central Region Hub, Cebu Hub ug Davao Hub mihimo’g usa ka benchmarking activity sa LGU-CDO pinaagi sa Out-of-School Youth Development Alliance (OSYDA), Mayo 30 ning tuig.

Kuyog sa mga YDA mao usab si USAID Opportunity 2.0 program Chief of Party Jill Jarvi, Education Development Center Senior International Technical Adviser Philip Purnell ug USAID Opportunity 2.0 Deputy Chief of Party Dr. Ma. Theresa Mokamad.

Mismo si Mayor Klarex Uy kinsa chairperson sa OSYDA uban ni Committee on Education Chairperson City Councilor Suzette Magtajas-Daba, City Scholarships Office Head Richel Petalcurin-Dahay, Sangguniang Kabataan Federation Secretary Zee Collantes kinsa mirepresentar ni SK Federation President Kenneth John Sacala, OSY Development Program Head Zaira Mae Dehing, United States Agency for International Development (USAID) Opportunity 2.0 representative Kotie Bax ang miabi-abi kanila.

Nasayran nga ang OSYDA sa siyudad aduna’y mga best practices sama sa Automated Referral System – eMonitor Mo App ug Youth Network programs ug organizational structure sama sa Kagay-anon Youth Network Alliance (KaYa NA).

Gipasidunggan usab si Mayor Klarex Uy sa USAID isip ‘Champion of Youth’ tungod sa iyang ‘dynamic’ ug ‘visionary leadership’.

Ang OSYDA CDO gilangkoban sa 25 ka miyembro gikan sa nagkadaiyang national government agencies, pribadong institusyon, youth organizations ug nagkadaiyang buhatan sa LGU-CDO kansang tinguha nga ma-empower ang mga out-of-school youth pinaagi sa development programs sama sa libreng livelihood skills training, employment opportunities ug uban pa.

Kini namugna sa tuig 2022 nunot sa ordinansa nga gipasa ni Committee on Education Chairperson City Councilor Suzette Magtajas-Daba.

 

News and photo courtesy of CIO CDO

Leave a Reply