- Advertisement -
Cotabato City – Tingkagol na karon sa silda sa kapulisan ang usa ka Top 4 Provincial Most Wanted Person nga may kasong Attempted Murder human kining nasikop sa gihimong manhunt Charlie sa kapulisan niadtong Abril 22, 2024.
Segun kang Police Major Rodney V Binoya, Officer-In-Charge sa Kalamasig Municipal Police Station ang suspek ginganlan lang ug alyas “Rahib”, 52 anyos, mananagat ug residente sa Sitio Ricsan, Barangay Dumangas Nuevo, Kalamansig Sultan Kudarat.
Segun ni PMaj. Binoya, pinaagi sa hiniusang pwersa sa Kalamansig MPS ug Operatiba sa Criminal Investigation Unit-Cotabato City Police Office, Tracker team sa Police Station 2, CCPO, CMFC-CCPO, PIU-SKPPO, ug Tracker team Delta RID PRO12 nagmalampuson ang pagsikop sa suspek pinasikad sa gahum sa warrant of arrest sa kaso niini.
Sa karon ang nasampit, anaa na sa kustudiya sa kapulisan ug commitment order nalang ang gipaabot aron nga mabalhin kini ug bilangguan. (Giovanni Pasco)
- Advertisement -
