Nag malampuson ang bag-ohay lang nga State of the Province Address kon (SOPA) naglatid sa mensahe nga “Misyon ko,tinuod nga Serbisyo” sa Gobernador ning lalawigan sa Zamboanga del Norte nga si Governor Nanay Nene Jalosjos, nga gipahigayon didto sa ZN Convention and Sports Center ning dakbayan sa Dipolog, Abril 22,2024.
Gitambungan kini sa Provincial Administrator Mr. Wilberth “Jojo” Magallanes,uban sa mga government officials,Honorable Members sa Sangguniang Panlalawigan nga gipangulohan sa Bise Gobernador ning lalawigan sa Zamboanga del Norte, Vice Gov.Julius Napigquit, anaa usab ang presensya sa Bise Mayor nga si Vice Mayor Senen Olvis Angeles,mga representante sa 3 ka mga distrito niining Probinsya, mga husgado gikan sa Regional ug Municipal Trial Courts, mga abogado gikan sa Public Attorney’s Offices, mga membro sa Integrated BAR of the Philippines, Chief of Offices, mga Government Employees of the Provincial Government ,Heads ug Representatives sa National,Local Government Agencies, City ug Municipal Mayors, Sangguniang Panglungsod ug Sangguniang Bayan Members, mga Punong Baranggay ug mga Baranggay Kagawad, mga Men and Women in Uniform ilawom sa buhatan sa Department of the Interior and Local Government (DILG),Armed Forces of the Philippines (AFP), Business Sectors, Academe,National and Local Media, Civil Society Organizations.
Sa maong programa, si Governor Jalosjos nipadayag alang sa iyang nag una nga 5-Point agenda framework nga mao ang ginatawag nga HEATS diin kini naglatid sa Health programs Education, Sports and Environmental Protection, Agriculture, Livelihood, and Infrastructure Tourism, Peace and Order, Social Services and Skills Development nga nagsubay sa iyang panultihon nga “Misyon ko tinuod nga Serbisyo”. Diin gi prayoridad niini ang kaayohan sa panglawas sa mga katawhan niining probinsya nga yano lamang, diin siya mi isyu sa Executive Order Number 96 series of 2023, nga nag implementar sa Ayuda Ni Nanay Nene Program ug isa na niini ang Medical Outreach Program.
Gi tipik usab niini ang pipila sa mga pundo ug budget nga gigamit alang sa nagkalain-laing programa, imprastraktura,serbisyong medikal,edukasyon, mga ekipo, mga sakyanan aron sa paghatod sa mga hinabang ug serbisyo ,nga magamit usab kung adunay mga emerhensya. Pundo para sa Agrikultura, ug uban pa nga mga panginahanglan,panginabuhian, kahimsog sa mga katawhan diin nakab-ot niini ang 89.0 % nga usa ka accomplishment para sa level sa Universal Health Care (UHC) Integration.
Nagpasalamat si Gov. Nanay Nene Jaslosjos ngadto sa mga Doctor, mga opisyales sa Turismo, Agrikultura kinsa niabag sa iyang pagserbisyo ug nagpasalamat ngadto sa mga katawhan sa pagsuporta ka niya sa iyang mga programa.
Sa katapusan nga bahin sa maong programa ang Gobernador niining probinsya sa Zamboanga del Norte, nagbilin ug mensahe ngadto sa mga katawhan, nanghinaot nga magmalampuson ang tanan sa pagpalambo sa tibuok Zamboanga del Norte. (Medalyn U. Borja)
