General Santos City – Pinaagi kang Gensan City Mayor Lorelie Geronimo Pacquiao ang LGU-Gensan nagpakita’g suporta sa 50 ka cancer survivors nga anaa karon sa 2nd floor St. Elizabeth Hospital, ning dakbayan sa General Santos.
Sa iyang pakigpulong, iyang gidasig ang mga cancer survivors nga magpadayon sa pagpakig-kumbati ug dili moundang sa hagit sa maong sakit.
Gipasalig ni Mayor Pacquiao nga magpadayon siya sa pagtrabaho og maayo aron masuportahan ang mga lungsuranon. Dugang pa niya nga bisan pa sa kalisdanan, kinahanglan nga itugyan sa Diyos ang mga pagsulay.
Misaad usab ang Mayor sa padayong suporta sa siyudad sa mga cancer patients ug survivors, aron matabangan sila nga makabaton og maayong kaugmaon. (Rem Agdon)
News&Photos: CMO