General Santos City – Lima ka importanteng proyekto sa imprastraktura sa Barangay Lagao ang malampusong na-turnover ubos sa pagpangulo ni General Santos City Mayor Lorelie Geronimo Pacquiao kagahapong adlawa, Setyembre 18, 2024.
Kini nga mga proyekto kabahin sa padayong paningkamot sa kasamtangang administrasyon sa pagpalambo sa mga batakang serbisyo ug imprastraktura sa dakbayan.
Ang mga proyekto nga gi-turn over mao ang mga musunod:
1. Improvement of road section at Tiongson Street – PHP 12 million
2. Improvement of road section at St. Joseph Street (with drainage and with 10 solar street lights) – PHP 9 million
3. Construction of Drainage at Calina Street – PHP 15 million
4. Construction of Drainage at Arradaza Street – PHP 10 million
5. Improvement of road section at Fernandez Street – PHP 17 million
Gipundohan kini sa pundo sa dakbayan, nga nagpakita sa hugot nga paggahin sa lokal nga kagamhanan alang sa pagpalambo sa imprastraktura sa mga komunidad.
Matod ni Mayor Lorelie Pacquiao, daghan pang proyekto nga gipaabot ang Barangay Lagao ug kini kabahin lang sa mas lapad nga plano sa iyang administrasyon nga mas mapalig-on pa ang mga imprastraktura sa dakbayan.
Si Mayor Lorelie Pacquiao padayong nagpasiugda og mga inisyatiba nga makahatag og mas hapsay ug progresibong komunidad, dili lang sa Barangay Lagao kon dili sa tibuok General Santos City. (Rem Agdon)