General Santos City – Mokabat sa 34 ka mga unit sa motorsiklo ang gidala sa Impounding Area sa PNP Highway Patrol Group Gensan human nga nakitaa ug kasupakan sa balaud Sumala sa usa ka driver nga si Dominador Samanca, 67-anyos gikan daw siya sa Barangay Calumpang ug padulong sa Alabel, Sarangani Province sa dihang nasangit sa checkpoint gumikan sa iyang kakulangan sa papelis.
Gipaklaro ni Samanca nga wala ma renew ang registration sa motorsiklo unya wala usab siya drivers license mao nga gipa impound ang iyang unit. Sa Kumpermasyon usab ni Jerry Pig-ao, driver sa sakyanan nga naghakot sa mga motorisklo anaa daw sa 34 ka Unit ang ilang gikarga padulong sa impounding area. Panawagan sa taga PNP HPG sa mga driver nga kumpletohon ang mga papelis sa pagmaniho ug sakyanan aron dili ma impound ang sakyanan. Ang ilang gihimo kabahin sumala pa sa Anti Carnapping Operation ilawom sa RA 10883 ug sa Traffic Code kon RA 4136. (Rey Ombana)