Cotabato City – Tulo (3) ka tawo ang nasikop human nasakmit ang walay lisensya nga armas ug mga bala atol sa checkpoint operation sa PNP ug AFP sa Brgy Datu Binasing, Pigcawayan, Cotabato, mga alas 8:10 sa gabii niadtong Enero 13, 2024.
Si Police Major Andres P Sumugat, hepe sa Pigcawayan Municipal Police Station, niila sa mga suspek nga sila alyas “Jomar”, “Rafael”, ug alyas “Mana”, parehong anaa sa hustong edad ug mga molupyo sa Barangay Butig, Sultan Kudarat, Maguindanao Del Norte .
Na-intercept ang mga suspek sa checkpoint operation sa 1405-A, 3rd Mobile Platoon ug Pigcawayan MPS sa nahisgutang lugar dala ang kalibre 45 nga pistola nga adunay magazine ug lima ka bala.
Ang mga suspek napakyas sa pagpakita sa mga hingtungdan nga dokumento sa ilang dala nga armas hinungdan nga gidakop dayon sa mga otoridad.
Kasong paglapas sa RA 10591 o Comprehensive Comprehensive Law on Firearms and Ammunition Regulation Act ang atubangon sa mga suspek. (Jun Abelo, photo courtesy of PCADG-12)