26.9 C
Manila
Saturday, December 9, 2023

General Santos: 3 ka “Dugong” nasiplatan sa Sarangani Bay Area

- Advertisement -

Sarangani Province – Tulo (3) ka mga sea cows, nga mas na-ilhan sa pangalang “dugong” ang nakit-an sa Sarangani Bay atol sa quarterly seaborne survey sa Department of Environment and Natural Resources (DENR) Region 12 sa Sarangani Bay Protected Seascape (SBPS).

Usa ka nag-inusarang dugong ang nakit-an sa marine mammal monitoring team gamit ang drone camera sa Seascape Beach Resort sa Barangay Gumasa, Glan, Sarangani Province.
Samtang, laing 1 ka dugong og anak niini ang nasiplatan sab nga naglangoy-oy sa Morales Beach Resort sa susamang Barangay.
Sigun ni Ecosystems Management Specialist I Gary Cabinta, talagsa na lang makit-an ang dugong sa SBPS kay galikay na sila nga makita sa mga tawo sa kabalaka nga pasakitan sila.
Pero, na-obserbahan matud pa ni Dr. Roy Mejorada, in-house veterinarian sa SBPS, nga daw relaks ang inahan nga dugong samtang ang nati niini mas abtik usa pagduwa-duwa.
Kahinumdoman, nga niadtong 2018, opisyal nga gideklarar sa SBPS Protected Area Management Board (PAMB) ang Dugong isip flagship species sa SBPS aron awhagon ang mga komunidad sa kabaybayonan sa pagsuporta sa pagpanalipod ug pagkonserba sa Sarangani Bay. (Rey Ombana, photo courtesy of DENR-Sarangani)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -