General Santos City – General Santos City Police Office (GSCPO) may nadugangan nga 187 mga PNP Personnel Sumala kang Police Col. Jomar Alexis Yap, Acting City Director human ang augmentation sa Police Regional Office 12. sa GSCPO nga ang mga nasangpit ang mga bag-ong gradwar sa Basic Internal Security Operation Course kon BISOCs, mga pulis nga na-reassign sa Gensan gikan Sultan Kudarat ug uban ang gikan sa Regional Headquarters.
Gikan sa 187 ka bag-ong pulis sa Gensan, 60 niini ang ibutang sa City Mobile Force Company.
Dugang pamahayag ni Police Col. Yap nga uban sa maong mga pulis ang ibutang sa Traffic Enforcement Unit, mga police station ug sa mga police outpost sa syudad.
Sa karon, anaa na sa 1, 110 ang kinatibuk-ang ihap sa mga pulis sa Gensan, apan giklaro niini nga kulang gihapon ang maong ihap kung basihan ang 1 is to 500 nga ratio sa pulis ug sa katawhan.
Apan gibutyag niini nga bisan ug kulang ang ihap sa kapulisan, kung magtabang ang tanan sa pagbantay sa siguridad, mapabilin gihaapon ang kalinaw sa dakbayan ug makunhuran ang kriminalidad.
Kalabot niini, gibutyag ni Police Col Yap nga pinaagi sa ihap sa mga pulis sa Gensan, mabutangan ug personahe ang tanang police box ug police outpost sa syudad.
Sa karon, nagplano na matud pa ang operations division sa GSCPO kung asa ipang butang ang mga compact post sa kapulisan aron mahatagan ug solusyon ang mga krimen sa Gensan.
Paniguro niya nga ilahang pakusgan ug pahugtan ang pagbantay sa siguridad hilabina sa mga pampublikong lugar kung asa sagad gakahitabo ang krimen.
(Source: GSCPO)