General Santos: 1,800 KA ISKOLAR SA EDUKAR PROGRAM SA GENSAN, MIDAWAT OG TAG-P4,000 CASH ALLOWANCE

General Santos City – Mikabat gayud sa 1,800 ka EduKAR scholars ang nakadawat sa ilang P4,000 nga cash allowance karong adlawa, Hulyo 3, 2025 sa City Gymnasium, Brgy. Lagao, General Santos City.

Mismo gayud si Gensan City Mayor LORELIE PACQUIAO maoy nanguna sa nasampit nga aktibidad.

Sa iyang mensahe, gihataga’g importansiya ni Mayor Pacquiao ang kamahinungdanon sa edukasyon sa pagbag-o sa kinabuhi ug kaugmaon sa mga batan-on.

Gidasig usab sa Alkalde ang mga scholars nga ipadayon ang ilang paghago aron dali silang makatabang sa ilang mga ginikanan. (Rem Agdon)