General Santos City – Ang Simultaneous Oath-Taking, Donning and Pinning of Ranks Ceremonies gipahigayon sa lain-laing han-ay sa kapulisan, nga dungan nga gipahigayon karong buntag sa Pebrero 6 ning tuiga, lakip na ang Police Regional Office 12 (PRO 12) nga gipahigayon sa Camp General Paulino T. Santos, Grandstand PRO 12, Tambler, General Santos City.
Sa pagpanguna ni PBGen Arnold P. Ardiente, Regional Director sa Police Regional Office (PRO) 12, uban sa Command Group, Placement Board, ug ubang opisyal sa PRO 12, sila mismo ang nibutang og bag-ong insignia sa uniporme sa bag-ong na-promote nga mga opisyal.
Sa kinatibuk-ang 1,506 ka na-promote nga PNP personnel sa PRO 12, 48 ang Police Commissioned Officers (PCO) ug 1,458 ang Police Non-Commissioned Officers (PNCO). 15 niini na-promote sa Police Major; 17 Kapitan sa Pulisya; 16 ka Police Lieutenant; 209 Police Executive Master Sergeants; 200 ka Police Chief Master Sergeants; 248 Police Senior Master Sergeants; 298 Police Master Sergeants; 66 Police Staff Sergeants; ug 437 ka Police Corporal.
Matod ni PBGen Ardiente, ang tanang na-promote nga mga pulis miagi sa higpit ug patas nga proseso nga gihimo sa PRO 12 Promotional Board aron maseguro nga kadto lang mga takos ang mapili alang sa rank promotion.
Sa iyang mensahe, gipasiugda ni PBGEN ARDIENTE nga ang promosyon dili lamang nagpasabot sa pagsaka sa ranggo kondili sa mas taas nga lebel sa responsibilidad ug disiplina. (Rem Agdon)