Sarangani Province – Halos di matukib ang gibating kalipay sa mga Kapitan sa 142 ka Barangay sa kinatibuk-ang probinsiya sa Sarangani human sila gipa-aporan og tag-1 ka Honda XRM nga motorsiklo atol sa opisyal nga pag-abli sa 21ST MUNATO FESTIVAL kagabii (Nobyembre 25, 2023) nunot sa 31st FOUNDING ANNIVERSARY sa maong lalawigan.
Mismo gayud si Sarangani Governor ROGELIO PACQUIAO kaabag ang ubang mga opisyal sa probinsiya maoy nangutan turn-over ceremony sa 142 ka mga motorsiklo alang usab sa 142 ka Barangay sa lalawigan.
Kini gamiton matud pa sa mga Barangay Health Workers (BHW) sa maong ihap sa mga Barangay sa ilang trabaho, hilabi na sa mga hilit nga mga lugar nga malisod ang transportasyon pag-adto sa mga kabalayan nga nagkinahanglan sa serbisyo sa mga BHW.
Gikabutyag, nga ang pagpalit sa 142 ka Honda XRM nga motorsiklo gikan kini sa pundo sa kagamhanang probinsiyal alang sa naasoy nga katuyo-an. (Rey Ombana, photo courtesy of PIO- Sarangani)