Sultan Kudarat Province– Laing 11 ka mga active members sa Communist Terrorist Group (CTG) ilawom sa Ulayan Platoon ang mitahan sa ilang kaugalingon sa Kalamansig Municipal Police Station, 2nd SKPMFC, SKPPO ug 37th IB,61D, PA.
Bibit sa 11 ka mga misurender ang mga high-powered ug short firearms nga giisyu kanila sa Communist Terrorist Group.
Tumong sa ilang pagsurender sa gobyerno mao ang kakapoy ug kahadlok nga mapagan sa mga operasyon sa otoridad ingon man ang wala nay klarong pagpadagan sa ilang mga kadagkuan sa grupo.
Usa ka adlaw human sa ilang pagsurender, sila nakadawat dayon ug P3, 000.00 matag usa ug tig usa ka sako nga bugas gikan sa LGU- Kalamansig, niadtong March 17, 2022.
Sa kasamtangan ang 11 ka miyembro sa CTG ang nagpabilin sa kustudiya sa kapulisan.
Samtang padayon usab ang PRO-12 sa pagpanguna ni PBGEN Alexander Tagum sa pag-awhag sa mga miyembro sa walhong pundok nga mubalik na sa gobyerno tungod ang gobyerno nagahatag ug tsansa kanila nga manginabuhi ug normal uban sa ilang pamilya.
Source: PRO-12 Information Office