Cebu City- Namalhin ang kapin sa 200 sa kinatibuk-ang 700 ka mga stall owners sa Warwick Barracks ug Freedom Park sa Carbon Public Market complex ngadto na sa interim market.
Gibutyag ni Market Administrator Raquel Arce nga kadtong vendors kinsa mi balhin sa interim market dunay privilege nga maka pili sa ilang bag-ong stalls.
Gipahibaw ni Arce nga ang interim market stalls nga gitagana sa mga vendors kinsa midumili pag balhin, ihatag ngadto sa uban.
Matod niini nga ang daan nga mga stalls sa Warwick Barracks ug Freedom Park ipang demolish.
Gitagalan ang mga vendors hangtud niadtong Biyernes, Marso 18, 2022, pagbiya sa Freedom Park ug sa Warwick Barracks.
Apan daghan sa mga Carbon market vendors misubli sa lang baruganan nga sa dili pag balhin ug magpaabot sila sa sunod session konseho sa Syudad sa Sugbo sa Miyerkules, Marso 23, 2022.
Ilang giisister nga ang joint venture agreement tali sa kagamhanan sa Syudad sa Sugbo ug sa Megawide Corp. alang sa redevelopment sa Carbon Market dunay mga loopholes.
Niadtong Lunes, Marso 21, nagkanayon si Mayor Michael Rama nga dili na siya makig istorya sa mga vendors kinsa padayon nga mibabag sa modernization sa Carbon Public Market.
Alang kang Rama nga ang redevelopment sa centuries-old market magpadayon basi sa JVA.
Pagka Lunes sab mitumaw ang tension dihang ang mga sakop sa Cebu City Prevention, Restoration, Order, Beautification and Enhancement (Probe) mibutang ug railings sa M.L. Quezon St. dool sa mga stall sa mga vendors sa “bagsakan” , lugar diin ang mga paninda gipang deliver.
Gidepensahan ni Rama ang lakang, ug matod pa nga iya na kining nahimo kaniadto pag hawan sa karsada sa mga obstruction.
l via Jhon Tadlip
Source/Photo: Carbon Market Administration