Alabel, Sarangani Province – Usa matud pa ka simbahan sa wala kikabutyag nga relihiyon ang nahugmak sa Alabel Sarangani Province gumikan sa 7.2 magnitude nga linog kagahapon sa hapon (Nobyembre 17, 2023).
Asoy ni Alabel, Municipal Mayor Vic Paul Salarda, nahugno ang maong simbahan atol sa kasagsagan sa linog.
Gawas niana, usa matud pa usab ka dakung bangga ang kalit nga nakulob sa dagat sa Brgy. Ladol Alabel gumikan sa kakusog sa lihok sa tubig gumikan sa nahitabong linog.
Samtang, midahili matud pa ang 1 ka bukid sa Brgy. Paraiso sa susamang lunsod ug dili kini maagi-an sa kasamtangan.
Butyag ni Mayor Salarda, padayon pa ang pagtuyok sa mga personahe sa Muncipal Disaster Risk Reduction and Management Office sa mga kabarangayan sa lungsod, aron masuta an sitwasyon sa palibot. (Rey Ombana)