Alabel Sarangani Province – Tungod sa polisiya nga Gun Ban nga gipatuman sa Commision on Election (COMELEC) ug gipa-implementa sa Philippine National Police gideposito ngadto sa Alabel Municipal Police Station sa usa (1) ka Gualberto Gonzaga- usa sa mga kandidato pagka-Bise Mayor sa Alabel, Sarangani Province ang gihuptan o gipanag-iyahan niining Baby Armalite, lakip sa mga bala niini.
Personal kining gidawat ni PLt.Col. Reynaldo Delantien- ang kasamtangang Hepe sa Alabel PNP.
Sigun ni Delantien, kini alayon sa panawagan sa pamuno-an sa Police Regional Office (PRO) 12 ngadto sa tanang kandidato sa umaabot nga 2025 Elections nga i-deposito ngadto sa PNP ang ilang mga armas, bisan pa’g aduna kini’y kompletong legal nga paleles o lisensiya.
Ug usa matud pa si Alabel Vice Mayor candidate Gonzaga nga misanong sa nasampit nga panawagan sa PRO-12, alang sa malinawon ug hapsay nga pinili-ay. (Rem Agdon)
Photos: AlabelPNP