Sarangani Province – Nahimong malampuson ug nagmabungahon ang Sarangani Police Provincial Office (SPPO) sa gipatuman nilang 1 ka adlaw nga Simultaneous Anti-Criminality Law Enforcement Operations (SACLEO) sulod lamang sa 1 ka adlaw, Desyembre 8, 2023.
Kana ang taho sa publiko sa Sarangani PNP , kagahapong adlawa.
Sa naasoy nga SACLEO Opertions, mikabat gayud sa unom (6) ka Most Wanted Person ug lain pang pito (7) ka other Wanted Person ang nadakpan.
Lakip pa sa bunga sa maong operasyon ang tulo (3) ka mga drug personalities ug adunay kinatibuk-ang 12 gramos katumbas s P81,600.00 pesos sa bawal nga druga o shabu ang nakompiska gikan sa mga drugistang dinakpan.
Nakasikop sab sa taga SPPO, ang usa (1) ka personahe sa kasong Anti-Illegal Gambling ug tulo (3) ka loose firearms nga gideposito/nag-surrender sa maong adlaw. (Rey Ombana, photo courtesy of SPPO)