Cebu City – Imbes nga ikalipay ang tubig nga dala sa kinaiyahan, naka mugna kini ug purhesyo sa Sugbo ang sunod sunod nga bunok sa uwan sa Metro Cebu nga misangpot sa pagbaha.
Labing uwahi kagabii naka sinate ang Sugbo ug halapad ug kusug nga bunok sa uwan.
Mga netizen sa Dakbayan sa Lapu-lapu sagad sa mipa ambit sa ilang nasinate; usa ka Weng Barrera sa Barangay Basak mipahibaw nga nagbaha ang atbang sa Cebu Light/Industrial Park.
Midason sab ang laing netizen nga si Imelda Igot Dilao nga grabe kalawom ang tubig uwan sa nahisgutang barangay.
Una nang gi reklamo ang maong barangay nga bisan kon way uwan, dunay lugar nga maglunang ang tubig apan gipasabot sa staff sa barangay Basak nga dunay culvert nga nabuak ug gi apil kinig tabon sa mga trabahante sa usa ka contractor.
Sa Barangay Pusok, gihulagway sa usa ka residente nga walay sama sa kakapoy pag sige ug sawod unya iyabo kay mosulod sa balay ug pasagdan.
Gihulagway sa usa ka molopyo nga dunay sitio sa Pusok nga hapit mo abot sa tuhod ang tubig sa dalan kay wala ma ato sa drainage kay gamay ra, pero pag tuang, nawala ra hinoon.
Sa laing barangay sa Lapu-Lapu, ang Babag 2, usa ka
Rico Patalinghug mihulagway nga ang baha mura na ug dagat.
Mao sab ang nasinate sa mga lugar sa Cebu City ug Mandaue, lakip na ang lungsod sa Consolacion ug Liloan.
Didto sa Bukirang Barangay sa Sirao, Dakbayan sa Sugbo, usa ka Annaliza Ardina ang mipahibaw nga misaka ang level sa tubig sa sapa nga dool sa ilahang panimalay.
Hinoon, walay kinabuhi nga gikatahong nakalas sa sunod sunod nga pag uwan.
Ang matag LGU gipaabot nga maka tubag ning mga isyu sa baha labi na karon nga panahon sa ting uwan. via Jhon Tadlip
(Source: RPN DYKC Cebu crowdsourcing/social media)