Nagpablotter sa City PNP si Church Pastor Jose Camingue Platil, 71 anyos na taga Purok Tower, Canlanipa, Surigao City batok sa gasoline pump boy sa Caltex nga nahimutang sa Rizal corner Capitol, Surigao City.
Kini human sija nagpatubil sa motorsiklo nan gasolina niadtong Marso 14, 2021 sa may alas 12:10 sa udto, an gasoline pump boy na si Yuterio Libasco waya mohatag sa sukli na 52 centavos sa idja tagbayad na 200 pesos sa pagpa full tank sa motorsiklo niini. Sumala ni Platil na an bayranan ₱ 199.48 ug nagpaabot sija na suklian nan 52 centavos. Apan waya mosukli an pumpboy sa rason na kini an polisiya sa management.
An kaso tagrefer sa kapulisan sa DTI aron modumala sa imbestigasyon sa nahitabo ilabina kay kini nahilatid sa RA 10909 paragraph a, section 4 na bawal an dili paghatag nan sukli. (RPN DXKS Surigao)