Cebu City – Gipaklaro ni Cebu Governor Gwendolyn Garcia nga dili siya supak sa protocols sa National Inter-Agency Task Force (IATF) labot sa pag manage sa mga incoming overseas Filipino workers (OFW) ug sa returning overseas Filipinos (ROF).
Kini human siya maka dawat ug impormasyon gikan kang Marinduque Governor Presbetiro Velasco Jr. nga dunay duha ka mga opisyal sa gabinete nga gi ingong nagplano pagpasaka ug legal action batok kaniya gumikan sa gi ingong “insubordination” tungod sa iyang pag dumili pagsuspenso sa palisiya sa lalawigan.
Ang nahisgutang palisiya nag sentro sa OFWs ug ROFs Executive Order ni Gwen nga unta mo sunod sa Resolution 114 nga gi isyu sa IATF.
“I am not defiant. I’m just trying to look for the best posible way that we may implement policies that will not further burden our people,” pamahayag ni Garcia sa iyang Facebook live, Martes, Mayo 25, 2021.
Gibutyag ni Garcia nga mipadala niya si Velasco ug text message ug matod pa, nga si Interior and Local Government Secretary Eduardo Ano mipahibaw kaniya nga sila si Justice Secretary Menardo Guevarra ug si Secretary Harry Roque naglaraw mopasaka ug kaso batok niya( Gwen).
Si Velasco maoy presidente sa League of Provinces of the Philippines (LPP).
Tipik sa mensahi sa text message ni Velasco ngadto kang Garcia nga, matod pa ni Sec Ano, gibarugan sa IAFT nga striktong ipatuman ang reso 114.
Sa habig sa IAFT ilang gikabalak-an ang transmission sa variants.
Sa iyang bahin, dili motoo si Garcia nga mopasaka ug kaso si Roque batok niya.
Matod sa gobernador nga sayod siya nga dunay very sharp legal mind si Roque, hinungdan nga duda siya sa laraw nga legal action.
Nagtoo ang gobernador nga nga wala siyay nalapas nga balaud.
Iya sab nga gihimong basehan ang Section 105 sa Local Government Code nga nagkanayon, nga ang national government maka taker over sa usa ka Local Government Unit atol sa pandemic sa period nga unom ka buwan.
Ang IATF, nga gipanguluhan sa Health Secretary, miluwat ug guidelines ug protocols kapin na sa usa ka tuig sukad sa pagsugod sa coronavirus pandemic.
“What crime did I commit? What violation did I violate?” pangutana ni Garcia. (Jhon Tadlip/JTY)
(News & photo courtesy of Cebu Provincial Governor)