Gipahibawo sa kagamhanang probinsiyal sa Sugbo nga dili nila i-require sa mga mangabot nga pasahero sa tugpahanan sa Maktan ang letter of acceptance.
Atol sa press conference, si Gob. Gwendolyn Garcia miingon nga wala mo isyo ang Kapitolyo og bisan unsang direktiba nga nagmando sa mga pasahero pagpresentar og letter of acceptance gikan sa Capitol ug sa LGU o local government unit nga ilang padulngan.
Alang ni Garcia, wa na kinahanglana ang susamang dokumento sa probinsiya ug sa lokalidad nga ilang adtoon.
Matod ni Garcia, ang Kapitolyo uban sa kadagkoan sa tugpahanan misusi sa taho nga adunay ubang tawo nga nag-estambay sa MCIA nga nanulti sa mga pasahero nga nagkinahanglan sila og letters of coordination gikan sa probinsiya ug sa LGUs nga ilang padulngan.
Midugang ang gobernador nga nagpatawag siyag miting sa maong mga tawo aron patubagon nganong nagpatakalang kini pagpanabi.
Sa nasayran, adunay existing protocol nga giisyo ang kagamhanan sa Cebu City nga nagmando nga ang tanang pasahero nga mangabot sa MCIA gikan sa Metro Manila mopresentar og letters of acceptance nga isyo sa padulngan nilang barangay. l via Jhon Tadlip/JTY
Source: Cebu Provincial Government