Gituohang mahimong murag one on one ang duha ka mga inilang pulitiko sa syudad sa Gensan nga mag pa pili isip kongresista sa bag-ong mugna nga kongreso sa South Cotabato. Luyo sa mga huhungihong nga dili mamahimong mag papili isip kongresista sa lone district of General Santos si Pedro Jun Acharon, gituldokan kini gahapong adlawa pinaagi sa iyang pag file ug candidacy sa buhatan sa Comelec diin giubanan siya sa tanan niyang kapartido sa Achievement with Integrity Movement. Matud pa ni Jun Acharon, kagustuhan sa mga katawhan ug sa iyang partido ang iyang pagpapili sa maong posisyon.
Aminado kini nga daghang isyu kalabutan sa iyang pagpapili apan giangkon niya nga iyang ikalipay ang pagdagan aron maresolba ang mga kwestyon sa legalidad sa iyang pagdagan.
Nanghinaut na lamang kini nga patas maresolba sa Comelec ug sa Korte Suprema ang maong isyu human usab sa pagpamugos ni Kagawad Franklin Gacal Jr. nga kalapasan matud pa sa konstitusyon ang pagdagan niini sa maong posisyon human nakaserbisyo og tulo ka consecutive terms.
Sa planong pagpasaka og disqualification batok sa iyang pagkandidato, gibutyag ni Acharon nga iyaha lamang matud pa kining tubagon. Sa pikas bahin namahayag usab ug “lets get it on” si former vice mayor Shirlyn Bañas- Nograles ngadto kay Acharon aron masuta sumala pa ug kinsa gayud ang tinoud nga pilion sa katawahan. Kahinumduman nga wala pay pildi sa iyang political career si Jun Acharon gikan konsehal sa syudad hangtud pagka kongresista samtang naa mag pibilin gihapon matud pa ang protesta sa iyang kaatbang sa resulta sa nakalabayng piniliay bisan pa midagan kini karong eleksiyon. Si Bañas ang nagpapili isip kongresman sa unang distrito sa South cotabato niadtong naka labayng midterm and local elections 2019 apan gi nullify gumikan sa bag-ong balaud nga gimugna alang sa pag bulag sa Gensan gikan sa iyang distrito. Lauman na lamang matud pa sa Comelec regional office12 ang patas ug malinawong piniliay sa duha ka mga distrito nga magpahigayon sa ilang special elections.48