Alas nueve pasada del ayer aga ya puede saca entrevista con PLT Col. Reynald Ariño el Force Commander del 2nd ZCMFC y el diila Campo temporaryo na Cawa-Cawa na infrentera del Sanguniang Panglungsod el estacion.
Asegun con PLT Col. Ariño dos anios ya ta excisti el 2nd Zamboanga City Mobile Force Campany aqui na ciudad de Zamboanga.
El 2nd Zamboanga City Mobile Force Company un omento fuersa na Philippines National Police especialmente na la mar si tiene quien atribi hace entra maga contrabando aki na ciudad.
Asegun con PLT Col. Ariño puede sila conduci operation na mar especialmente si tiene maga contrabando como maga smuggled sigarilyo que nohay completo papeles y ay entrega sila na Buru de aduena.
Asegun tiene sila servisiable dos sea craft y tiene tres engine, este ay usa sila para man patrolya na Mar y ase apas con aquellos tiene maga ta lleva contrabando.
Asegun con PLT Col. Ariño si tiene man sila ta puede aresta personas que ta karga o lleva contrabando na area of responsibility ta entrega sila na estacion de polisiya. (April Boy Regino, photo credits to the owner)