CAGAYAN DE ORO CITY- Hingpit na nga gi-inugurahan sa lungsod sa Tagoloan, Misamis Oriental ang balor P778 milyones nga flood control project. Ang maong proyekto gi-loan sa kagamhanan sa Pilipinas sa Japan International Cooperation Agency nga adunay loan agreement team sud sa 30 ka tuig.
Ang struktura nag-apil na sa konstruksyon sa 692 meter upstream ug 1.9 kilometer downstream revetment apil na ang excavation works and drainage improvement.
Matud pa ni DPWH Secretary Mark Villar nga ang maong proyekto maoy makapalambo sa ekonomiya sa maong dapit apil na ang pagprotehir sa mga residente sa Tagoloan gikan sa katalagman.
Gidugang pa ni Sec. Villar nga ang maong proyekto apil sa flood risk management projects nga gipaatiman sa DPWH aron kapugngan ang damyos sa baha sa mga peligrong dapit sulod sa tulo ka principal river systems nga mao ang ubos sa Cagayan, Imus ug Tagoloan.