Arestado sa gipahigayong joint checkpoint sa Philippine Army, 2nd Provincial Mobile Force Company, Regional Mobile Force Battalion 13 ug sa Gigaquit Municipal Police Station ang isa ka miyembro sa NPA niadtong adlaw’ng Lunes sa alas 5:00 ang takna sa hapon sa may Purok 1 Brgy. Sico-sico, Gigaquit.
Naila ang suspect nga si JOSELYN FORTUNA CURIBA ‘alias lanie/mel/annie’, 42 anyos, menyo, finance officer sa Guerilla Front 16 ug residente sa P-4 Brgy. Babag, Butuan City.
Sa imbestigasyon nasayran nga sakay sa habal-habal ang suspetsado pasingod sa Brgy. Camam-onan, Gigaquit. Ang nahisgutang suspetsado ang jaoy standing warrant of arrest sa kasong kidnapping sanan serious illegal detention sa criminal case no. 6527 nga gi-isyu ni Acting Presiding Judge Fernando R. Fudalan. Jr. sa 10th Judicial Region, RTC Branch 7, Bayugan City, Agusan del Sur pinetsahan Enero 30, 2020 nga wayay girekomendar nga piyansa.
Nakompiskar sa possession sa suspect ang bag nga jaoy suyod nga isa ka improvised explosive device, 12 metros nga wire, isa ka set nga double battery, 3.5 metros nga electrical blasting cap, 8 metros nga hammock rope, 2 ka pares nga medyas, 2 ka set nga taffeta, sanan isa ka upper pnp combat shirt. Ang suspect lakip na ang mga ebedensiya ang jaon kuman sa kustodiya sa Gigaquit PNP.
Mag atubang ang nadakpan sa kasong paglapas sa RA 9516 kon AN ACT FURTHER AMENDING THE PROVISIONS OF PRESIDENTIAL DECREE NO. 1866 AS AMENDED, ENTITLED CODIFYING THE LAWS ON ILLEGAL/UNLAWFUL POSSESSION, MANUFACTURING, DEALING IN ACQUISITION OR DISPOSITION OF FIREARMS, AMMUNITION OR EXPLOSIVE OR INSTRUMENT USED IN THE MANUFACTURING OF FIREARMS, AMMUNITION OR EXPLOSIVES.
(Mark James Lisondra, Ronda 21 RPN DXKS)