Tigpayuhot Ug Illegal Nga Drugas, Kalaboso

Tigpayuhot Ug Illegal Nga Drugas, Kalaboso

by RPN
100 views

Kalaboso ang usa ka lalake sa gikasa nga drug buy bust operation didto sa purok Parpagayo, Barangay Minaog sakop ning syudad sa may alas 2 ang takna sa hapon kagahapong adlawa, Pebrero 25, 2020.

Nagtingkagol na karon sa presohan ang suspek nga si Expedito Molina Ogoc, 38 anyos, minyo ug lumulupyo sa nasangpit nga dapit.

Sumala pa sa inisyal nga imbestigasyon sa kapulisan, gikasa ang usa ka drug buy bust operation sa Intelligence Operatives of Regional Drug Enforcement Unit 9 inubanan sa pagpakigtambayayong sa Dipolog PNP ug nakuha gikan sa posisyon sa suspek ang balor 6 mil ka pesos nga gituohang shabu, drug paraphernalias, usa ka samsung android cellphone ug 300 pesos nga gigamit isip buy bust money.

Si Ogoc nakalapas sa balaodnong RA 9165 kon Comprehensive Dangerous Drugs Act of 2002 nga moy hinungdan nga anaa siya kron gibalhog sa Dipolog City Police Station  aron sa pormal nga pagpasaka ug kaso batok kaniya.

0 comment

Related Posts