Patay ang amahan ug ang anak kini human gipusil sa waya mailhing mga suspetdado. Nahitabo ang pagpamusil kagahapong adlawa Pebrero 25 sa may National Highway, Sitio Paghungawan, Brgy. Jaboy, Pilar, Surigao del Norte sa alas 6:00 ang takna sa buntag.
Nakilay-an ang mga biktima nga sila si ROMEL SUMANDO ESPANOLA, 45 anyos menyo, mag-uuma samtang ang backrider ija anak nga minor de edad ug residente sa Brgy. Caridad, Pilar.
Sa imbestigasyon sa kapulisan sa Pilar nasayran nga samtang nagmaneho sa motorsiklo si ROMEL SUMANDO ESPANOLA angkas ang ija anak nga may kargang ginabas nga mga kahoy ang gipusil sa waya matino nga klase sa armas nga gigamit ug waya usab makilay-i nga mga suspetdado.
Naigo sa uyo ug nagka laing-laing parti sa ilang lawas ang mga biktima nga miresulta sa ilang hinanaling kamatayon. Narekober sa crimescene ang isa ka basiyo sa bala gikan sa isa sa mga lawas sa biktima. Isa ka post mortem examination ang gihimo ni Dr. Paola Josefina E. Marcaide samtang ang patay’ng lawas sa mga biktima an jaon kuman sa Dapa Funeral Homes.
Isa ka hot pursuit operation ang gipahigayon kuman sa mga tinugyanan sa kapulisan aron pag-ila sa mga responsableng suspetdado sa pagpusil-patay sa mga biktima. Waya pa usab masayri ang motibo sa pag patay kanila. (Mark James Lisondra, Ronda 21 RPN DXKS)