Davao City- Malampuson nga gipahigayon nganhi sa dakbayan sa Davao ang Media Forum on Federalism nga gipasiugdahan sa Department of Interior and Local Government inabagan sa Philippine Information Agency southern Mindanao Region. Mitambong usab sa forum ang pipila ka mga commissioners of the consultative committee sa tumong nga i-review ang 1987 Philippine Constitution.
Ang nahisgutang aktibidad kabahin lamang sa Federalism Roadshow nganhi sa dakbayan sa dabaw nga gisugdan niadtong usa ka adlaw ug matapos ugmang adlawa. Nasayran nga ipahigayon usab karong adlawa ang panagpulong sa nagkadaiyang Provencial Governor, Municipal ug City Mayor lakip na Liga ng mga Barangay. Usa usab ka Press Conference ang himuon karong hapon aron ipahibalo sa katawhan ang resulta sa gihimong panagpulong sa mga Local Chief Executive kabahin sa Federalismo.
Nasayran nga karong hapon, himuon usab ang usa ka Federalism Convention ug Rally diha sa Rizal Park ning syudad nga tambungan sa nagkadaiyang sector sa Katilingban ug komunidad.