Cebu City – Gimandoan sa Commission on Higher Education (CHED) ang usa ka state university sa Lalawigan sa Sugbo nga ipahunong ang face-to-face classes sa ilang veterinary medicine program.
Gibutyag ni CHED Central Visayas Director Max Aljibe nga nakadawat sila ug mga report nga ang Cebu Technological University (CTU) mi balik pagbukas sa ilang Barili Campus nga way pagtugot gikan sa commission.
“This was coordinated with concerned school administration. It said it would stop conducting face-to-face classes,” mensahi ni Aljibe.
Gipaabot nga moluwat ug official nga pamahayag ang maong unibersidad.
Una niini, miduso ug report ang National Congress of Veterinary Students (NCVMS) labot sa pag-abli sa face-to-face classes sa CTU niadtong Marso 23.
“We agree that the program Doctor of Veterinary Medicine requires practical skills that may only be acquired through physical means. However, honing competent veterinarians also include prioritizing their welfare and undergoing the right processes,” unod sa suwat nga gipadala ni NCVMS national director John L:ouis Gonzales ngadto sa buhatan sa CHED Central Visayas.
Matod niini nga ang veterinary medicine wala malakip sa priority programs basi sa guidelines alang sa gradual nga pagbukas sa klase nga gi-isyu sa CHED ug sa Department of Health.
Ang CTU, matod pa, walay pagtugot nga mopahigayon ug face-to-face classes alang sa medical ug allied health programs. (Jhon Tadlip/JTY)
(Source: Commission on Higher Education-Central Visayas | National Congress of Veterinary Medicine Students, photo courtesy of CTU College of Veterinary Medicine)