Cebu City – Gihulipan sa ilang puwesto ang 11 ka polis sa Sawang Calero Police Station tungod sa giingong kalambigitan sa kasong pagpangilkil ug pagpanglugos.
Suma pa ni Brig. Gen. Ronnie Montejo, director sa Police Regional Office o PRO-7, usa ka 35 anyos nga babaye ang miakusar nila ni S/Sgt. Celso Colita, Chief M/Sgt. Eric Edgar Emia, Cpl. RochelitoMabulay, Cpl. Emmanuel Martinez, S/Sgt. Joseph Alcoseba, S/Sgt. Michael RheyCabizares, Corporal EjillFerrolino, Cpl. Carlo Irizari, Cpl. Junel Pedroza, Cpl. John Carl Aceron, ug Cpl. Georny Abrasado og pagpangilkil.
Gipasanginlan usab sa complainant si Colita nga milugos kaniya.
Ang police station sa Sawang Calero ubos sa CCPO o Cebu City Police Office.
Gikutlo ang resulta sa pasiunang imbestigasyon, si Montejo miingon nga ang complainant nangayog tabang sa Integrity Monitoring and Enhancement Group-Visayas Field Unit (IMEG-VFU) sa pagpasaka og kaso batok sa mga suspetsado.
Namasangil ang babaye nga si Sgt. Colita ug napu ka laing mga suspetsado mihim og search operation sa mga armas sud sa iyang bay sa Tungkil, Minglanilla nga walay gipakitang bisan unsang dokumento.
(Jhon Tadlip/JTY)
(News & photo courtesy of Police Office Regional Office-7)