Human nga mipagas ug kamanduan ang NIATF (National Inter-Agency Task Force) mahitungod sa mga pamaagi aron mapakgang ang pagkuyanap sa Covid-19 sa nasud, misanong niini ang lokal nga pangagamhana sa Dipolog, diin gipatuman na sab ang motorcycle backrider barrier.
Ilawum sa gipagawas nga Executive Order No. 25-2020, kinahanglan nang magbatun ug backrider barrier ang mag-angkasay sa motorsiklo aron malikayan ang pagpanakod sa Covid-19.
Sukad nga milugwa kini nga mandato, daghanang mga reaksyon kabahin niini ang mitumaw ilabi na ang kabalaka nga kini makadisgrasya. Gawas usab niini, daghan ang reaksyon sa kahasul nga dala niini nga kamanduan sa katawhan tungod kay gawas sa barrier, kinahanglan pang magsuot ug lain pang mga PPEs nga gitawag ug dugang gastuan sa nagkapit-us nang katawhan.
Una nang gipagas sa milabay nga semana sa HPG kun Highway Patrol Group nga duna kiniy multa nga 5-mil kapesos sa kinsa mang molapas ining kamanduan.
Apan, sa mga motoristang mag angkasay nga dili makabatud ug backrider barrier, gihatagan usab sila ug opsyon nga mag full face helmet na lamang ang driver ug angkas niini, ingon man PPE nga alternatibo sa barrier.
Nanghinaot ang katawhan sa Dipolog nga bakwion sa konseho kini nga kamanduan tungod kay ana raman usab nagpabilin sa MGCQ kun Modified General Community Quarantine ang Dipolog kuto Agosto 15, 2020.(OIC Lyza Bautista, RPN DXKD Dipolog)
(Photo credits to Mayor Darel Uy Facebook page)
(Source: Mayor Darel Uy Facebook page)