General Santos City — Naa pa sa talandogong kahimtang ang empleyado sa Register of Deeds ning siyudad sa Heneral Santos human kini gipusil alas 8:40 sa gabii niadtong Hunyo 19,2023 sa may Delfin Compound kanto Yumang Street, Barangay San Isidro ning siyudad. Ang biktima giila sa pangalang MARYLOU ZAMORA BAÑES, 57 anyos residents sa Delfin Compound Yumang Street, Barangay San Isidro, GenSan diin usa ka releasing Officer sa Register of Deeds.
Subay sa report nga natala sa Police Station 4, alas 8:55 ang takna sa gabie nakadawat nalang sila ug report nga dunay shooting incident nga nahitabo sa nahisgutang lugar mao nga paspas nga girespondihan apan wala na sa lugar and biktima gumikan gidala na sa iyang mga kabanay sa ospital.
Sa inisyal nga imbistigasyon sa San Isidro Police Station nasayran nga pauli na unta ang biktima sa ilang panimalay sakay sa tricycle apan kalit nga mi-overtake sa tricycle ang suspek nga nakamotorsiklo ug gipusil ang biktima pila ka higayon.
Paspas gilayong misibat ang suspek padulong sa wala matinong lugar,.
Sa kasamtangan padayon pa ang imbestigasyon sa kapulisan kung unsay motibo ug kung si kinsa ang responsible sa nahusgutang pagpamusil. (Rey Ombaña)