Davao del Norte – Nagmalamposon nga nasikop sa pwersa sa Davao del Norte Provincial Office ug Philippine Drug Enforcement Agency Regional Office XI ang pipila ka indibidwal human ang gipahigayong buy-bst operation sa sa Purok 13, Barangay San Miguel, Tagum City, Davao del Norte.
Sumala sa report, unang nasikop ang tag-iya sa drug den nga si Armando Parallaga, alyas Manding, 56 anyos human namaligya og shabu sa poseur buyer nga mibalor og kapin P9,000 pesos.
Dugang niini, nasikop usab atoll sa operasyon ang trabahante sa local government unit sa Davao del Norte nga si William De Vera, 3 ka indibidwal kinsa bisita sa drug den nga sila Jodee Porlares, Yul Clin Misoles, Mike Guadelquiver ingon man ang duha ka mga sakop sa Armed Forces of the Philippines nga sila PFC Rigor Ramales ug PFC Butch Ysmael Tabuzares samtang naapil usab si Meshel Dano kinsa kaipon ni Parallaga.
Nakuha sa posisyon nila ang one (1) unit 12-gauge shotgun, assorted drug paraphernalia, 15 ka mga heat sealed transparent plastic sachet nga nagkantidad ug P312,800 pesos, one (1) unit .45 caliber pistolone, (1) unit 9mm Uzi Sub-Machine Gun, bala, ingon man buy-bust marked money.
Sa karon, naka detained sa PDEA Regional Office XI samtang giandam ang kasong ipasaka batok kanila. (Camille Santos Naraga)
(Source: PDEA XI)