28.6 C
Manila
Friday, March 29, 2024

Empleyado Sa Gobyerno Dakpan Sa Anti-Drug Buy Bust Operation

- Advertisement -

Isa ka empleyado sa gobyerno dakpan sa anti-drug buy bust operation na gilusad sa kapulisan sa syudad ubos sa bag-ong kamanduan ni Police Lt. Colonel Glenn C. Sampaga kahapon Marso 27, 2021 sa may alas 7:45 sa buntag didto sa Purok 3, Sitio Gayas (new road), Brgy. Sabang, Surigao City.

An team leader sa operasyon amo si Police Lt. Bassel Monteroso iban an hiniusang pwersa sa kapulisan sa syudad, Surigao del Norte Drug Enforcement Unit nga gipangulohan ni PMajor Elmar Roz Claret sanan Provincial Intelligence Branch nga gipangulohan ni PLt. Mark Steven Y. Sarsonas.

An suspect nga nadakpan tagpakilaya sa kapulisan na isa ka Alain Blas Celocia Tero o nakilaya na si “Blas,” 41 anyos minyo na taga Payawan 1, Brgy. Luna ning syudad. Tagkilaya an suspect na isa ka drug surrenderee sa Surigao City Police Station niadtong Setyembre 21, 2018 diin tagkilaya na isa ka High Value Individual sanan jaon sa Regional Priority Target List.

An mga nakuha na ebidensiya sa buy bust naglakip sa isa ka plastic sachet sa tagdudahang shabu nga napalit sa poseur-buyer na gibanabanang motimbang sa 0.1 gram na may street price na 1,000 pesos; isa ka genuine 1,000 peso bill marked money; cash na 150 pesos; black belt bag; puti na Smart iPhone; colored coin purse/pouch; plastic sachet na may gidudahang dried marijuana fruiting tops na motimbang sa 2 grams ug may street price value na 250 pesos; sanan laing tuyo ka plastic sachets sa tagdudahang shabu na motimbang sa 0.15 gram o gibanabang mokantidad sa 2,500 pesos.

Sa iyang bahin si Police Col. Noel Espinoza, an PNP Provincial Director nagpagawas nan pamahayag: “We will ensure that the momentum and gains in anti-illegal drug campaign will be sustained amidst this pandemic, for a safe and peaceful province.” Kasong violation sa Republic Act No. 9165 an tag-andam sa kapulisan na ipasaka pinaagi sa inquest proceeding batok sa nahisgotang suspetsado.
(RPN DXKS Surigao via PLt. Bassel D. Monteroso)

(Source: Surigao del Norte Police Provincial Office – SDN PPO Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -