Cebu City – Hingpit nang nataktak sa serbisyo ang casual nga empleyado sa Cebu City Hall nga nadakpan sa drug buy bust operation sa kapolisan sa Syudad sa Lapu-Lapu didto sa Barangay Babag.
Kini human gipirmahan ni Cebu City Mayor Edgar Labella ang termination order ni Robeth Sable Delos Santos, Administrative Aide nga na assign sa Department of General Services (DGS).
Ang Memorandum No. 2021-209, pinitsahan ug Abril 23, 2021, maoy hingpit nagtaktak ni Delos Santos.
“This order shall take effect immediately upon receipt thereof”, tipik sa memo ni Mayor Labella.
Subay niini, gimanduan si Delos Santos pag-clear sa iyang mga accountabilities sa Cebu City Government.
Ang nahisgutang empleyado giingong migamit sa sakyanan sa kagamhanan sa Syudad pag deliver sa ginadiling drugas atol sa pagka sa sikop. (Jhon Tadlip/JTY)
(News & photo courtesy of Cebu City Public Information Office)