- Advertisement -
Nakaalerto pay laeng ti Emergency Operations Center ti ili ti Pagudpud Ilocos Norte numan saan pay a marikna ti pigsa ni Bagyo Ramon.
Ti PAG-ASA ti nangideklarar a maapektaran ti amianan a paset ti Ilocos Norte babaen ti bagyo isu’t gapu na nga insigida a pinagsagana ni Mayor Raffy Benimerito ti EOC para iti rescue operations dagiti maapektaran ti bagyo.
Kuna ni Benimerito nga agkarkararagda tapno saan unay a maapektaran ti ili da.
Iti agdama kunana keta wan pay ti mariknana nga angin ken tudo iti nasao nga ili ngem naiget latta ti pammallaag na kadagiti kakailian na iti panagridamda ken saan paylaeng a tumaptapog dagiti mangngalap iti taaw aginggana a saan a pumanaw ni Bagyo Ramon iti probinsiya.
- Advertisement -