31.9 C
Manila
Tuesday, April 16, 2024

Electronic Bus System, Gilusad Sa Dakbayan Alang Sa Mga Dabawenyo

- Advertisement -

Davao City –  Gilusad na sa Davao City ang usa ka proyekto alang sa sector sa transportasyon nga mutabang sa mga Dabawenyong public commuters.

Ang malahutayong programa gitawag nga Business for Environmentally Sustainable Transformation (BEST) Bus human nga mipirma og kasabutan sila Davao City after Mayor Inday Sara Duterte tali Davao Light and Power Company kaniadtong Biyernes lang.

Dunay pito ka BEST bus nga 100 percent electric ug fully-airconditioned ang mutuyok sa syudad sugod Lunes, Disyembre 14 nga dunay 30 person seating capacity.

Gipahibalo sa syudad nga libre lamang ang pagsakay sa maong bus apan kinahanglan nga murehistro sa BEST Pass QR Code ug ipa scan kini atol sa pagsakay.

Gipasalamatan sab ni Mayor Duterte ang Davao Light ug GET Philippines sa paghatag og libre ug luwas nga transportasyon alang sa mga Dabawenyos.

Alang sa Downtown Ikot 1, mulatas kini gikan C. Bangoy St., to Rizal St., Bolton St., Magallanes St., C.M. Recto, Acacia, Bajada, SM Lanang, Azuela Cove, R. Castillo, Carpenter, Sta. Ana Ave., ug balik sa C. Bangoy St.

Alang sa Down Town Ikot 2, maglatas kini gikan C. Bangoy St., padulong Palma Gil St., Camus, Quirino, Bankerohan, Sandawa, Quimpo Blvd., Ecoland Drive, Times Beach, Ecowest, Quimpo, Sandawa, Bankerohan, Magallanes, Boulevard, R. Magsaysay ug balik na usab sa C. Bangoy. (City Information Office | OIC Michael Manguhig, RPN DXKT Davao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -