ELECTRICIAN GIPUSIL SA NAGSUNOD NGA SUSPETSADO
Gipusil sa nagsunod nga suspetsado ang 48 anyos nga lalake didto sa Purok 10, Dinaligan, Brgy. Masgad, Malimono niadtong Merkules, Hunyo 17 sa may mga alas 11:10 sa buntag.
Naila ang biktima nga mao si ROMEO BORJA REPULLES, usa ka electrician ug lumulupyo sa Brgy. Rizal, dakbayan sa Surigao.
Nasayran sa gihimong imbestigasyon nga nagsakay ang biktima sa iyang itom/puti nga Honda XRM motorsiklo nga aduna’y temporaryong Plate No. 150104 paingon sa Brgy. Cantapoy, Malimono apan paghidangat sa incident site gipusil kini sa wala mailhing suspetsado nga nagsunod kaniya dala ang wala matino nga kalibre sa armas. Nakaangkon ug pipila ka samad pinusilan ang biktima hinungdan sa iyang hinanaling kamatayon samtang ang suspetsado ang misibat ngadto sa wala masayring direksyon human sa pagpamusil.
Mihangyo na ug assistance ang Malimono Municipal Police Station sa Surigao del Norte Provincial Crime Laboratory Office (SDN PCLO) alang sa Scene of the Crime Operation (SOCO) Investigation adisir iturn-over ngadto sa pamilya ang patay’ng lawas sa biktima.
Ang narekober nga mga ebidensya gikan sa crime scene ang anaa na sa kustodiya sa SDN PCLO aron sa pagpinal sa kopya sa inventory. (Jun Salubre, Ronda 6 RPN DXKS)