Hangtud sa pagkutlo ning maong report nagpabiling wala pay ni bisan usa ang nakonpirmang kaso sa coronavirus disease sa El Salvador City sakop sa Misamis Oriental diin mao na lamang kini nga syudad ang Covid-free city sa 146 ka mga dakbayan sa nasud.
Matud pa ni Mayor Edgar Lignes nga liboan na ka mga residente ang namaulli sa nakalabay’ng lima ka bulan apan nagpabilin pang way nagpositibo sa maong virus. Gidugang pa niya nga tubag kini sa ilang pag-ampo tungod kay naa sa ilang lugar nahimutang ang nailang Divine Mercy Shrine nga maoy dagsaanan sa mga deboto sa bisan asang dapit sa wa pa gipatuman ang restriction niini niadtong bulan sa Marso. Apan gipasabot usab ni Lignes nga higpit pud nilang gipatuman ang minimum health standards.
Nasayran nga ang gymnasium usab sa El Salvador giconvert sa 52-bed isolation facility alang sa mag residente ug sa nangabot nga mga stranded overseas workers.
Ang Cagayan de Oro sa Northern Mindanao sa pikas bahin nga adunay kapin 742 ka libong mga residente ang adunay pinakadaghan nga kaso sa Covid sa mga syudad sa rehiyon nga adunay 223, diin 106 ang naclassify nga active, 110 ang nakarecover ug 7 ang namatay.
(OIC Gin B. Serohijos, RPN DXKO Cagayan De Oro)
(Source: Office of the City Mayor)