Dulan sa ₱ 1-million ang nadagit sa nahitabong robbery incident sa usa ka establisyemento sa Barangay Dadiangas North sa General Santos City.
Sa gitunol nga incident report sa DXDX ?????? ni General Santos City Police Office spokesperson, P/Major Rissa Hernaez, takna alas-6:40 sa gabii ning Lunes, March 22 sa dihang gisulod sa duha ka mga suspeks ang J&T Enterprises sa bahin sa Recto Street, dayon deklara sa holdap.
Base matod pa sa testimoniya sa branch quality assurance officer nga si Bernardo Jumamog Cereda, adunay gamit nga caliber .45 pistol ang mga suspeks, asa gilimas sa mga niini ang anaa sa ₱ 985,000.00 cash gikan sa maong tindahan.
“Mr. Cereda was not able to resist to perpetrator but to handed the said cash to the latter (suspects),” ang tipik sa gitunol nga impormasyon sa DXDX ??????.
Nagpadayon pa karon ang ginahimong follow-up investigation sa mga otoridad sa insidente.
(John Rey Somido)